હાથી સામે ઉંદરની લડાઈ એટલે 'ગેટ સેટ ગો'
વાર્તા સામાન્ય હોવા છતાં દમદાર ડિરેક્શન, સિનેમેટોગ્રાફી, આ ફિલ્મને બે ડગલા આગળ લઈ જાય છે હાથી સામે લડવા માટે હાથી બનવું પડે પણ ક્યારેક હાથી સામે લડીને જીતવા માટે ઉંદર પણ બની શકાય છે. ટૂંકમાં તમે કોની સામે લડો છો એ મહત્વનું નથી પણ કેવી રીતે લડો છો એ મહત્વનું છે અને આ જ વાત ગુજરાતી ફિલ્મ 'ગેટ સેટ ગો' માં દર્શાવવામાં આવી છે, જે આજે થિયેટરમાં રિલીઝ થઈ ચૂકી છે અને આ ફિલ્મમાં બોલીવુડના નામાંકિત અભિનેતા દીપક તિજોરી મહત્વની ભૂમિકામાં જોવા મળશે. ભૌમિક સંપટ અને જીનલ બેલાણીના વાલ્મીકિ પ્રોડક્શન હેઠળ બનેલી ફિલ્મ 'ગેટ સેટ ગો' માં દિપક તિજોરી (અરુણ ગોહિલ) ઉપરાંત ભૌમિક સંપટ (VD) , જીનલ બેલાણી (કાવ્યા ઠક્કર), રોનક કામદાર (ઇન્સ્પેક્ટર કાર્તિક), સંવેદના સુવાલ્કા (બ્રિન્દા ગોહિલ), શરદ શર્મા (જયંતિ કાકા), ઓમ ભટ્ટ (પરેશ), ધર્મેન્દ્ર ગોહિલ (જયરાજ મહેતા), મુનિ ઝા (પોલીસ કમિશનર જાડેજા) મુખ્ય ભૂમિકામાં જોવા મળશે જ્યારે સ્મિત જોષી, ભાવિની જાની, મોરલી પટેલ, પ્રેમલ યાગ્નિક, તથા ભવ્ય ગાંધી નાની પણ મહત્વની ભૂમિકામાં જોવા મળશે. ફિલ્મની વાર્તા, સંવાદ અને પટકથા જીનલ બેલાણીએ જ તૈયાર કરી છે. જ્યા...